Skip main navigation

Kirkja Jesú Krists

Þegar Jesús var á jörðu stofnaði hann kirkju sína, til að við gætum lært hvernig snúa ætti aftur til Guðs. Þessi sama kirkja er til á okkar tíma.

Jesús stofnaði kirkju

Guð sendi Jesú ekki aðeins til að leysa okkur frá synd, heldur líka til að stofna kirkju. Þegar Jesús dó, voru það ekki einungis áhrifamiklar prédikanir og kenningar sem hann skildi við sig. Hann skildi við sig postula, boðorð og grunn að kirkjustofnun, sem yrði öðrum til blessunar löngu eftir dauða hans. Hann veitti líka réttlátum karlmönnum prestdæmið, eða kraftinn og valdið til að starfa fyrir Guð. Það er sami krafturinn og hann læknaði sjúka með, reisti við dauða, blessaði þjáða og tilnefndi leiðtoga kirkju sinnar.

Kirkjan varð fyrir fráhvarfi

Eftir því sem kirkjan óx, stóðu postularnir frammi fyrir vaxandi upplausn, ágreiningi meðal trúaðra og óvægum árásum vantrúaðra. Postular voru myrtir og fólkið varð ósammála um grundvallaratriði kenninga Jesú. Fólk tók að mynda hinar ýmsu kirkjur án þess að hafa til þess vald frá Guði. Þessar kirkjur voru hver annari ólík og þær viku frá hinni upprunalegu kirkju Jesú Krists.

Afleiðing þessa varð víðtækt fráhvarf kristindómsins eða viðsnúningur frá reglum fagnaðarerindisins. Hin sanna kirkja sem Jesús hafði stofnað fyrirfannst ekki lengur á jörðunni. Prestdæmisvaldið til að starfa í nafni Guðs glataðist, réttar reglur spilltust og grundvallarsannleikur fagnaðarerindisins dreifðist meðal ólíkra kirkna.

Kynnið ykkur hvernig Jesús endurreisti kirkju sína

Kirkja Jesú Krists var endurreist

Að öldum liðnum kölluðu Guð og Jesús nýjan spámann, Joseph Smith, til að endurreisa kirkjuna og allar sannar kenningar hennar.

Joseph ólst upp á sveitabýli í Palmyra, New York. Margar kirkjur og prestar áttu í samkeppni um athygli fólks á svæðinu. Joseph var ráðvilltur yfir hvaða kirkju hann ætti að ganga í, því þær kenndu allar svo ólíka hluti. Athygli hans barst að versi í Biblíunni um að leita til Guðs, ef við hefðum spurningu, og hann myndi svara.

Joseph ákvað að biðjast fyrir. Hann fór á afvikinn stað úti í skógi og kraup á kné. Hann spurði Guð auðmjúkur í bæn í hvaða kirkju hann ætti að ganga. Guð og Jesús komu til hans í sýn. Joseph lýsti þessari helgu upplifun síðar:

„[Ég sá] ljósstólpa beint yfir höfði mér, skærari en sólin, og hann lækkaði hægt, uns hann féll á mig … Þegar ljósið hvíldi á mér, sá ég tvær verur, svo bjartar og dýrðlegar, að ekki verður með orðum lýst, og stóðu þær fyrir ofan mig í loftinu. Önnur þeirra ávarpaði mig, nefndi mig með nafni og sagði, um leið og hún benti á hina – Þetta er minn elskaði sonur. Hlýð þú á hann!“ (Joseph Smith – Saga 1:16–17).

Guð faðirinn og sonur hans, Jesús Kristur, sögðu Joseph að ganga ekki í neina þeirra kirkna sem þar væru. Þeir sögðu honum að Jesús myndi um síðir endureisa upphaflegu kirkju sína fyrir hans milligöngu. Joseph Smith varð spámaður, rétt eins og spámenn Biblíunnar til forna. Síðar var honum veitt mikilvægt prestdæmisvald, sem hafði glatast og því fylgdi vald til að skíra, lækna sjúka og kalla postula og aðra leiðtoga. Hin endurreista kirkja var formlega stofnuð árið 1830.

Jesús Kristur leiðir kirkju sína í dag fyrir milligöngu spámanna

Kirkja Jesú Krists hinna Síðari daga heilögu er hin endurreista kirkja Jesú Krists. Jesús er sannlega höfuð kirkju sinnar og leiðir okkur til návistar við Guð fyrir milligöngu spámanns okkar tíma.

Komið og tilbiðjið frelsarann, Jesú Krist, með okkur Þið verðið blessuð af því að læra kenningar hans í hinum helgu ritningum og hlusta á það sem hann hefur talað til spámanna og postula okkar tíma. Þið munið finna elsku Guðs þegar þið takið þátt í að þjóna öðrum í kirkju Drottins.

Allir eru velkomnir í kirkju

Algengar spurningar

Fólk hefur allskyns spurningar um „mormóna“ eða öllu heldur meðlimi Kirkju Jesú Krists hinna Síðari daga heilögu. Smellið hér til að sjá allar spurningarnar.

Það er vaxandi fjöldi fólks sem hafnar skipulögðum trúarbrögðum og kýs að vera andlega sinnað á eigin hátt og reyna að lifa góðu lífi. Fólk þarf samt hvort tveggja, skipulögð trúarbrögð og persónulegt andríki. Kirkja Jesú Krists hinna Síðari daga heilögu hefur að geyma skipulagið og prestdæmisvaldið sem nauðsynleg eru til að framfylgja öllum boðorðum Guðs, þar með talið skírn og viðtöku sakramentis (samanber altarisgöngu). Þið ættuð að fara í kirkju á sunnudögum og jafnframt keppa að því að vera andleg og þjóna öðrum alla vikuna.

Kirkja Jesú Krists hinna Síðari daga heilögu var stofnuð í Fayette, New York, árið 1830. Joseph Smith var fyrsti forseti kirkjunnar. Hann sá Jesú Krist og Guð föðurinn í sýn og var kallaður sem spámaður til að endureisa kirkju Jesú Krists. Hann hlaut prestdæmi Guðs, þýddi Mormónsbók og sendi trúboða til að prédika fagnaðarerindið vítt og breytt um Norður-Ameríku og erlendis.

Höfuðstöðvar kirkjunnar voru fluttar til Ohio, Missouri og Illinois, til að komast hjá ofsóknum og finna stað fyrir samansöfnun meðlima kirkjunnar. Spámaðurinn Joseph Smith var handtekin ólöglega árið 1844, sökum tortryggni og stjórnmáladeilna á svæðinu, og myrtur af múgi.

Brigham Young varð næsti forseti kirkjunnar. Hann leiddi hina heilögu yfir sléttur Bandaríkjanna í yfirbyggðum vögnum, til Utah í Klettafjöllunum. Frá þeim tíma hefur kirkjan vaxið gríðarlega um allan heim. Í dag eru meðlimir rúmlega 16 milljónir í um 170 löndum.

Fyrsta skrefið er að hitta trúboðana. Þeir munu kenna þér helstu atriði og iðkanir trúar Kirkju Jesú Krists hinna Síðari daga heilögu. Þeir geta líka svarað öllum spurningum um kirkjuna og sagt ykkur frá því hvers vænst er af meðlimum hennar.

Þið ættuð líka að byrja að koma á guðsþjónustur. Þið munið finna gleði í því að tilheyra samfélagi fólks sem lætur sér annt um hvert annað og reynir að fylgja fordæmi Jesú Krists.

Þegar þið eruð tilbúin að ganga í kirkjuna, getið þið ákveðið að skírast og verða formlega meðlimir hennar. Þið getið annaðhvort látið skírast af trúboðum eða einhverjum sem þið hafið kynnst í kirkju.

Mormónsbók hefur, líkt og Biblían, marga höfunda. Hún er safn dagbóka og söguheimilda sem gengu frá einum höfundi til annars á um þúsund ára tímabili. Fyrsti höfundurinn er Nefí, sem fór frá Jerúsalem með fjölskyldu sinni árið 600 f.Kr. og kom til Ameríku. Nefí fékk yngri bróður sínum heimildina, sem svo fékk syni sínum hana. Hver höfundur lét ætíð heimildina í hendur einhvers sem hann treysti. Mormón var nafn þess spámanns sem tók allar heimildirnar saman í eina bók. Af þeim sökum er bókin nefnd Mormónsbók.

Árið 1830 var Joseph Smith leiddur að þessum fornu heimildum og hann þýddi þær með krafti Guðs.

ComeUntoChrist.org Spjall er að skrifa…