Mormónsbók er innblásin ritning sem er ætlað að veita okkur leiðsögn í lífinu og efla samband okkar við Jesú. Hvaðan kemur nafnið? Fyrir hundruð ára tók spámaður í Ameríku til forna, að nafni Mormón, saman heimild um þjóð sína. Fólkið tókst á við fjölda sömu áskorana og við gerum. Og, rétt eins og við, fundu þeir styrk þegar þeir sneru sér til Jesú Krists.

Þess er vænst að Mormónsbók sé lesin samhliða Biblíunni, sem annað vitni um Jesú Krist og guðlegt hlutverk hans sem frelsara og lausnara heimsins. Saman veita Biblían og Mormónsbók aukinn skilning á miklum kærleika Guðs til okkar allra og geta hjálpað okkur að komast nær honum.

Líkt og Biblían ber Mormónsbók vitni um Jesú Krist. Meginatburðurinn sem skráður er í Mormónsbók er heimsókn Jesú Krists til trúaðra í Ameríku til forna – einnig kenningar hans og þjónusta. Þessi frásögn sýnir að Guð veitir öllum börnum sínum sömu blessanir og tækifæri og að kærleikur hans er ekki bundinn við fólk frá einu svæði í heiminum. Sama hvaða tungumál við tölum eða hvernig við lítum út, Guð elskar okkur og vill að við komumst nær sér.

Hér er yfirlit yfir þúsund ára sögu sem sagt er frá í Mormónsbók:

Í megin atriðum er Mormónsbók í raun saga um fjölskyldu. Faðir þeirrar fjölskyldu, Lehí, er spámaður í Jerúsalem til forna. Guð aðvarar Lehí í draumi og býður honum að fara með fjölskyldu sína frá Jerúsalem, því borgin og íbúar hennar yrðu brátt herteknir af annarri þjóð. Þau fara yfir hafið til Ameríku. Laman og Lemúel, elstu synir Lehís, trúa ekki að faðir þeirra sé innblásinn af Guði. Þeir eru símöglandi. Nefí, yngri bróðir þeirra, á sterka trú. Nefí er útvalinn af Guði til að leiða fjölskylduna og vera kennari hennar.

Fólkið skiptist að lokum í tvo hópa, Nefíta og Lamaníta. Þessir hópar eiga oft í innbyrðis erjum og stöðugt reynir á trú fólksins. Sú trú er rauður þráður Mormónsbókar, í formi áhrifaríkra prédikana, spádóma, lífslexía og andlegra upplifana.

Eftir upprisu sína í Jerúsalem, birtist Jesús fólkinu í Ameríku. Hann kennir því um skírn, iðrun og fyrirgefningu. Hann læknar þeirra veiku og blessar börn þeirra. Hann stofnar kirkju sína. Fólkið hlustaði á Jesús, ólíkt fólkinu í Jerúsalem. Eftir heimsókn hans, ríkti friður meðal fólksins í hundruð ára. Með tímanum missir fólkið trú sína og spámaður að nafni Moróní grefur heimildir sínar til að varðveita þær fyrir framtíðina og fólkið þá – fyrir okkur! Joseph Smith var vísað á þessar heimildir og þýddi Mormónsbók með krafti Guðs. Kenningar hennar auka trú á Jesú Krist og veita milljónum manna innblástur í dag.

Samkomutími kirkjunnar er mismunandi eftir söfnuðum. Það er þó alltaf hægt að treysta á eina aðalsamkomu fyrir alla og síðan námsbekki fyrir börn, unglinga og fullorðna.

Samkoman fyrir alla er kölluð „sakramentissamkoma.“ Sú samkoma samanstendur af söngvum, bænum og prédikunum (eða „ræðum“) sem mismunandi meðlimir safnaðarins flytja í hverri viku. En mikilvægasti hluti samkomunnar er þegar við tökum sakramentið (sem er svipað og altarisganga) til að minnast frelsarans.